المسلمية الماضى والحاضر

زايرنا الكريم ان كنت من آعضاء المنتدى فتفضل بالدخول
وماتحرمنا من رويتك واهلا ومرحبا بك
ان كنت زائرا فيسعدنا جدا جدا انضمامك لاسرة المنتدى واطغط على زر التسجيل
بلادي
أنا تشيل الناس كل الناس وساع بى خيرو لينا يسع


وتدفق
مياه النيل على الوديان بياض الفضة فى وهج الهجير بشع



انضم إلى المنتدى ، فالأمر سريع وسهل

المسلمية الماضى والحاضر

زايرنا الكريم ان كنت من آعضاء المنتدى فتفضل بالدخول
وماتحرمنا من رويتك واهلا ومرحبا بك
ان كنت زائرا فيسعدنا جدا جدا انضمامك لاسرة المنتدى واطغط على زر التسجيل
بلادي
أنا تشيل الناس كل الناس وساع بى خيرو لينا يسع


وتدفق
مياه النيل على الوديان بياض الفضة فى وهج الهجير بشع

المسلمية الماضى والحاضر

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
المسلمية الماضى والحاضر

اسلامى اجتماعى ثفافى ادبى سودانى

۝ماشاء الله تبارك الله۝۝۝ ماشاء الله و لا قوة الا بالله ۝۝۝- اللهم اني اسالك الهدى۝۝۝ و التقى ۝۝۝و العفاف ۝۝۝والغنى ۝ صلوا على محمد ۝ صلى الله عليه وسلم ۝
ما أجمل الإنسان الذي يتألم و لا يتكلم.. يحب و لا يخون.. يبكي و لا يصرخ .. فليس كل إنسان مبتسم سعيد, فوراء كل إبتسامة ألم شديد
ودعته ومدامعي تسيلُ والقلب من فرط الغرام غليل وحشى الحشا ناراً وداعي للذي له كان جبرائيل وهو رسول مَنْ حبُّ قلبي فيه من أشواقه كادت حياتي بالوداع تزول يا نفسُ كيف رضيتِ هذا والذي فطر الأنام وإنه لجليل إن الوداع لأحمد لا يُرتضى من ذي غرامٍ قلبه مشغول لولا مقادير الإله وحكمهُ فينا لما قلبي لذاك يميل https://almusallamiyah.forumarabia.com
قابلني ياهاجر محمد عوض الكريم القرشي قابلني يا هاجر هجرك أضرّ وطال واستمرّ ***** في سهر الليالي غمرتني من طرفي الموالي أسرتني جمّدت حبّي عزلتني ما تقدّر الموقف وزورني مرة وسيب المضرّة ***** أنا قلبي عارف حبّو ليك إخلاصو ظاهر في عينيك ومهما بعدت بيرجو فيك ودا كلّو حاصل وما عليك ما تقدر الموقف تكون أبرّ عليك الله ---------------------------- في الشاطي يا الحبان محمد عوض الكريم القرشي في الشاطي يا الحبان ساهرتو بينا الليله يا الحبان ساهرتو بينا عند النهر والنور والساقيه بينا تدور القمري يحكي الحور وانا الفنان الموج يداعبنا والحب يقربنا الشاطي يفرحنا والحب معاهو كمان يا حليل ربوع شندي بلد الجمال عندي الفيها انا فني والمتمه امان نذكر وطنا دوام وحده وعمل وسلام سيبو الخلاف يا عظام دايرين يكون لينا شأن مجلس نبيل طاهر فيه الادب زاهر لي نيلنا بنفاخر وبي وطنا السودان في الشاطي يا الحبان ساهرتو بينا ------------------------ رب الفن محمد عوض الكريم القرشي تعال يا رب الفن يا سيدي وفيك نظمت الدر نشيدي تعال يا حبيب اه تعال بيك الامال جديده تعال اللحظه معاك سعيده اوريك فنوني يا وحيها وعوده اوريك شجوني المرسلة لعيوني تعال ان ليك في قلبي ريده معذبة تشتاق لي وحيده تعال حبيبي تعال حذاري تالمني حذاري وكتير يا اليك ما طاب مزاري بخليك لانك ما ارواني دنك واقول ليك هجرتك وتكفى الذكرى عنك انا الفي هواك عفيف وبائن يصح تعذيبي واحتقاري كتير ده كتير اه اه تعال يا رب الفن يا سيدي تعال هب الحب حباني بي لطفو واحتواني قال لي كنت عنيف بتعرفوا ما قصدت اهوى براك شوفوه يا ظرفو تعال يا اخلاق الملائكة ودنيا الحب اسلاكه شائكه تعال يا حبيب ترنم نغماتك واسبح في اهاتك وغني البلابل منتظره صيحاتك اعزف عودي يا رب الفن ذاتك انا وانت الاحلام نعيده روحي يا روحي الليله عيده تعال يا حبيبي ----------------عشقتو من نظرة هو قلبو خالي
أقف إجلالاً لشخصكم.. في هذا المنتدى.. قلبٌ كبير ضمنا جميعاً.. استعمرنا جميعاً.. فكنا كـ قلبٍ واحد.. أخوة واحدة.. ونبض واحد.. bounce bounce bounce لكم أسعدني و زادني تشريفاً بعثرة حروفي بينكم.. أتمنى أن أكون بروعة ما توقعه الجميع.. وبتواجدكم وتعاونكم يرتقي قلم الجميع.. لكم مني أجمل تحية وأجمل وردة تعانق قلوبكم.. وتنثر لكم عطرها .. bounce bounce bounce
قال رسول الله صلى الله عليه وسلم ((( البخيل من ذكرت عنده فلم يصلي على ))) رواه الترمذي ... فهل نبخل على نبينا بالصلاه ...؟! فهل نبخل على انفسنا من الحسنات ...؟!
santaالقمر أكبر حرامي يسرق الضو من جبينا ..و في عيونا يضوّي سامي.. القمر أكبر حرامي .. و الشمس في الأصل كانت.. حتة من أنوار حبيبتي.. و شعلة من نيران غرامي.. أهدت القمر إحتراقو.. و فينا إتعالى و تكبر .. و هو فاكر إنو أسمو ..أحلى من كل الأسامي.. و إنو نورو بيضوي قلبي .. القمر مسكين و واهم.. هسه برسل ليو رسالة ..بيها يعرف و يبقى فاهم ..
حين نجعل من مشاعرنا وإبداعاتنا صفحات ننسجها بكل دقةٍ و إتقان.. ونفتش عن محابرنا وأوراقنا لنسجل أول رد وحضور.. يكفينى فخراً.. يكفينى اعتزازا.. أن أكتب لكم.. ولأجل أعينكم.. ابتسامة رضا.. وكلمة شكر.. تغني عن نزف الكثير من بين أيديكم.. في صفحتي هذه في اوراقي .. فتشت حروفي..قواميسي.. فلم أجد ما يليق بمستواكم.. لكل عضو.. أقف إجلالاً لشخصكم.. في هذا المنتدى.. عل عام والشعب السودانى بخير عيد استغلال السودان 1/1/1956 وتمنياتى لشعب السودانى والوطن الغالى السودان الازدهر والامن والاستقرار bounce bounce bounce

سحابة الكلمات الدلالية

المواضيع الأخيرة

» صلاة المنفرد وحكمها
واحة عقــــــــــد الجلاد I_icon_minitimeالأربعاء مايو 28, 2014 10:00 am من طرف سودانى انا

» صباح الخير
واحة عقــــــــــد الجلاد I_icon_minitimeالإثنين يناير 20, 2014 3:27 am من طرف سودانى انا

» كلمات الفنانة حنان النيل
واحة عقــــــــــد الجلاد I_icon_minitimeالجمعة أغسطس 16, 2013 12:09 pm من طرف سودانى انا

» فضل يوم الجمعة2
واحة عقــــــــــد الجلاد I_icon_minitimeالجمعة ديسمبر 28, 2012 6:01 am من طرف سودانى انا

» فضل يوم الجمعة
واحة عقــــــــــد الجلاد I_icon_minitimeالجمعة ديسمبر 28, 2012 5:55 am من طرف سودانى انا

» كلمات أغاني عميد الفن الأستاذ أحمد المصطفى
واحة عقــــــــــد الجلاد I_icon_minitimeالثلاثاء ديسمبر 25, 2012 3:49 pm من طرف سودانى انا

»  دور ومكانة المرأة فى الإسلام الى الدرة المكنونة و الجوهره المصونة
واحة عقــــــــــد الجلاد I_icon_minitimeالثلاثاء ديسمبر 18, 2012 5:43 pm من طرف سودانى انا

»  دور ومكانة المرأة فى الإسلام
واحة عقــــــــــد الجلاد I_icon_minitimeالثلاثاء ديسمبر 18, 2012 5:40 pm من طرف سودانى انا

» [تم الحل]اقدار وووووو مع مجذوب انسة
واحة عقــــــــــد الجلاد I_icon_minitimeالثلاثاء ديسمبر 11, 2012 3:28 pm من طرف سودانى انا

مارس 2024

الإثنينالثلاثاءالأربعاءالخميسالجمعةالسبتالأحد
    123
45678910
11121314151617
18192021222324
25262728293031

اليومية اليومية

التبادل الاعلاني


انشاء منتدى مجاني




    واحة عقــــــــــد الجلاد

    سودانى انا
    سودانى انا
    العضو الذهبى


    عدد المساهمات : 578
    العضو الذهبى : 1848
    تاريخ التسجيل : 25/11/2011
    العمر : 50
    الموقع : المدير العام والمشرف على المنتدى

    بطاقة الشخصية
    لا ئحة الخيارات:

    واحة عقــــــــــد الجلاد Empty واحة عقــــــــــد الجلاد

    مُساهمة من طرف سودانى انا الخميس مارس 08, 2012 4:08 pm

    مكتبة عقــــــــــد الجلاد
    افتراضي عطبرة....... ك جمال عبد الرحيم

    من قمت من بيتنا ومشيت
    بطاقتي صورة مصغرة
    شايل معاي شنطة صفيح
    حزمة هموم
    ولدا متين بقي للسفر والاغتراب والدردرة
    كان الزمان لسة رضى والناس ظروفها مقدرة
    وانا في القطار اصغر صبي امال تفيض متفجرة
    لما القطار صفر وقف
    بهرتني صورة عطبرة
    دي محطة الوطن الكبير كانت تضج متحضرة
    ونزلت ماشي على الرصيف
    اغبش هدومي مغبرة
    الهجرة من زمناً قديم زي ساقية فينا مدورة..
    عائلة ابوي عبد الرحيم من حلفا جات متهجرة
    اديلة او والله رن فجلي
    بلد نفاي اموقا كجلي نورين موقو
    كن جواب كفاي
    دقيتني نفص كورين لوجي
    نفس القطارات والسكك يوم مقبلة ويوم مدبرة
    كان عمري 12 سنة شايل التقيلة مبكرة
    رحال بدون زاد لا متاع كان لي كتاب ومفكرة
    لميت شتات بعض الحروف
    وقرايتي تبدو مكسرة من قمت من بيتنا ومشيت
    بطاقتي صورة مصغرة شايل معاي شنطة صفيح حزمة هموم
    ولدا متين بقي للسفر والاغتراب والدردرة


    مكتبة عقــــــــــد الجلاد
    افتراضي مشاوير المحبة.ك عماد الدين ابراهيم

    يا مشاوير المحبة الكلمة تقلت
    والخطيــوات الندية
    الغيمة الشالت...دمعة مرة
    غــرَ قت أناتا أرواحنا الوفية
    الصدق أصبح في عيون الناس مظنة
    الصدف أصبح فينا كلمات هامشية
    والحقيقة بقت مخافة وانزوت في عمق أعماقنا الخفية يا مشاوير ضيعيني
    جدِدي الذاد للمشاوير الشقية
    توهي النور بدِديهو خلي إظلامك يغيب
    كل لحظة فرحة فيا
    بكي إحساسي الحنـيِــن
    فتِريـني و دردِريـــني
    وأصلي ليك أنا ماني هيِــن
    كل نهاية تكون بداية
    كل وجعة تفرهد الإحساس جوايا
    وابقى عايش للعُوينات الوفية
    وابدا عايش عمري للصادقيـــن هدية

    Mad Mad Mad Mad Mad Mad Mad

    مكتبة عقــــــــــد الجلاد
    افتراضي ساجور .........ك جمال حسن سعيد

    ساجور ما انفكّ
    فى رحم الغيب ما انفكّ
    ما باح الغيم بي سر الضيم
    والناس نضيم فى الفارغة
    ساجور ما انفكّ
    سؤال فى القمر الخنق فى الحلة
    ما اندق صفيح
    ما انشدّ بليلة
    بليلة وفال
    ما اتغنى مديح
    وما فكّ ضفايرك للريح
    والناس بتصيح فى الفارغة

    bom bom bom bom bom bom
    مكتبة عقــــــــــد الجلاد
    افتراضي حاجة آمنة ........ ك هلاوي


    حاجه امنه إصبري
    عارف الوجع فى الجوف شديد
    عارفك كمان ما بتقدراصبرى .. اصبرى
    جاهلك شكى وجاهلك بكى وفى بيتك المرق اتكى والشيء البحير ومابحير
    مابيه يا حاجة الزكاة ... طلع الصباح لو ليك مراد
    يا حاجة ما تطلع شمس والليلة عندك زى أمس
    لسه الرويدى مع الصباح من مدة ماجاب ليك خبر
    كان جوفو زى جوف العيال من مدة داير ليه حجر
    والله على الزمن الحجر المابى بالصبر اتكرى
    سرحتى فى هموم العيال كيفن يعملوا مع الدروس وسرحتى فى حق الفطور
    باقى الامور البى القروش واحد زمن داير ردا
    واحد خلاص قلموا اتكسر زى التقول أكلوا الصبر
    يا حاجة آمنة اصبرى
    مشيتى لى برج الحمام برجك صفحتين ما بزيد
    ومشيتى لى برج الحمام كان تلقى ليك جوزاً جديد
    يمكن بعد طلع الصباح يغشاكى زولاً يشترى
    هبشتى جاى فتشتى جاى كان تلقى سكر بس محال
    باقى الرطيل الفى الكرت يا حاجة سفوهوا العيال
    يا حليل زمان وسنين زمان
    يا حاجة لو تذكرى ... يمه وسمعتى صوت جاك من بعيد
    وبعد قليل بابك ضرب وسمعتى صوت جاك من بعيد
    شالك تعب ... ختاك تعب يا حاجة ناس المويه جوك
    أصلو الشهر روح جرى يا حاجة آمنة اصبرى
    بعد صراع وصراع طويل يا حاجة بينك والمحال
    ما لقيتى فى داك النهارشيتاً ويجو ياكلوا العيال
    حبة عدس ما بسوى شيئ وينو البصل وينو اللحم
    حبة عجين ما بسوى شيئ وينو الدقيق وينو الفحم من جاى لجاى
    هبشتى جاى فتشتى جاى كان تلقى شيئ
    لازمك كتير شان تقدرى لازمك كتير اتقدرى .

    Arrow Arrow Arrow Arrow Arrow Arrow Arrow Arrow

    مكتبة عقــــــــــد الجلاد
    افتراضي امونة ::..... ك القدال

    ماضهبت اقول لقيتك
    انتي فى كل الخواتم والمياتم
    والنجيمات والعواتم والمغنين المطاليق
    ما حزنت اقول بكيتك
    نحن فى حزن المخاليق
    الفرح جاييك وعد
    غنوة اولاد التحاريك
    كنتى فى ليل الخوابى
    تهاتى بينات الطوابى
    تحاكى جقليب السعى
    الوليدات خلو حجرك ريح يفوفى
    وعين مزرزرة من شقى الفرح المرابى
    منية الوعد الداعى
    انت في خوفك تكاتل رفة الطير والحفيف
    انت فى شوفك تخاتل عينة الجلب الخريف
    انت فى اللالوبة مصلبة البنيات النسيمات الهفيف
    انت فى اللالوبة مشنقة الوليدات ناس نجومى
    محبس النفس الرهيف
    بطنك كرشت غى البنات نافى
    دقنك حمست جلدك خرش مافى
    وكت الوهم وافيت ..وكت العلم جافي
    صدق الوعد نافيت .. مر الصدق وافى
    يا ديارى الوين ....نى
    تور عفينة الشينة ..... نى
    ما اضينة وزينة.....ني
    تور عفينة الشينة....ني
    سنتاً والعيش بالقبضة
    قلبك شابايل النبضة
    جوني العشاء ملقوني
    جهدية ماكلة أكتوفي
    يا امونة شن بتشوفى
    يا عيونى شن بتشوفى
    شدرا تال اليمامة
    ولا الصقر الحمامة
    ولا البطن التفوفى
    يا امونة شن بتشوفى
    يا عيونى شن بتشوفى
    جهدية وسيف وراية
    تبروقة وخيل وشاية
    اذان بالجوع اذن لى
    ام خوفك فايت خوفى
    يا امونة شن بتشوفى
    يا عيونى شن بتشوفى
    جهدية الاورطية
    جهدية الحلبونا
    شدو جمالم جونا
    جلبنا ليهم سمسم .......... السمسم ما كفاهم
    جلبنالهم سعية


    cyclops cyclops cyclops cyclops cyclops cyclops
    مكتبة عقــــــــــد الجلاد
    افتراضي اولاد المدارس..ك فيصل محمد صالح

    لانك عندى كل الخير

    وجيهك فرحة الدنيا

    ودواخلك زى شعاع النور

    عرفتك وكنت زى شفتك

    قبل القاك

    وزى انك بتنبعي من فرح جواى

    تمسحي عن رؤاى الضيم

    وتضحكي للزمان الجاى

    وتتفجر مسامك ضي

    مع الصبح الغشانا شوى

    كأني معاك كائن حي

    كأنو صفاك كأنو الحل

    افارقك والعمر عندك

    زهيراتاً غشاها الطل

    واحاسيسك بتتكمل

    غنيواتك بتتبارك مع

    الايام وتتجمل

    افارقك والزمان اجمل عشان

    تشعل ملامحي ضياك كل مانجيمه

    تتحول

    وشان تفضل ملامحك فيّ زى ماكنتي في الاول


    Suspect Suspect Suspect Suspect Suspect Suspect

    مكتبة عقــــــــــد الجلاد
    افتراضي ايدينا للبلد

    ايدينا ياولد ايدينا للبلد
    الغربه ان شاء الله تعقري ياتعدمي المال
    الفقري يا تعدمي
    الشيك الخضري والله شلتي العيال من بدري
    والله شلتي
    ايدينا ياولد ايدينا للبلد
    كان اخويا اللبره جانا والله يصلح الحال معانا
    والله يصلح الحال معانا شلنا الغربه المئخرانا
    شلنا الغربه
    ايدينا ياولد ايدينا للبلد
    ننتج بي ايدينا والله نخلص العلينا شان
    تشيل ام ريكا دينا نبني دارناوتبقه لينا
    نبني دارنا
    اخلاصنافي العمل ا خلاصنا في العمل
    يسوقنا للامل
    حكومه كان تنصلحي كات تعرفي عيشي
    وملحي كان تشوفي
    اللبي تزحي ماتباري القول تلحي كان
    تعرفي
    كان الحكوم صلح سودانا صار مليح
    ايدينا ياولد ايدينا للبلد


    Idea Idea Idea Idea Idea Idea
    مكتبة عقــــــــــد الجلاد
    افتراضي يا ودود الابتسامة...... ك القدال

    بشتكيلك منك الحزن الدفين
    خلي بالك للغمامة تملى
    تملى لما تنزل لا بتشكي ولا بتحكي
    الا تطلع من انين الارض وردة وعش حمامة
    شفتك امبارح معايا
    كنت بين نايمة وصاحية
    تحتويني الريدة والشوق والعنا
    وانت صاحي ترفع ايدك للشموس العالية
    وتدفئ الغنا
    ينتميلك قلبي يا اب قلباً حنين
    بشتكيلك منك الحزن الدفين

    Exclamation Exclamation Exclamation Exclamation Exclamation Exclamation
    مكتبة عقــــــــــد الجلاد
    افتراضي بابا مع السلامة.........ك محجوب شريف

    يابا مع السلامة يا سكة سلامة
    في الحزن المطير
    يا كالنخلة هامة
    قامة واستقامة
    هيبة مع البساطة
    اصدق ما يكون
    راحة ايديك تماماً متل الضفتين
    ضلك كم ترامى حضناً لليتامى
    خبزاً للذين هم لا يملكون
    بنفس البساطة والهمس الحنون
    ترحل يا حبيبي
    من باب الحياة لباب المنون
    روحك كالحمامة بترفرف هناك
    كم سيرة وسريرا من حولك ضراك
    والناس الذين خليتم وراك
    وعيونم حزينة بتبلل ثراك
    ابواب المدينة بتسلم عليك
    والشارع يتاوق يتنفس هواك
    يا حليلك حليلك يا حليل الحكاوي
    تتونس كانك يوم ما كنت ناوي
    تجمع لم تفرق بين الناس تساوي
    نارك ما بتحرق ما بتشد تلاوي
    ما بتحب تفرق من جيبك تداوي
    الحلم الجماعي والعدل اجتماعي
    والروح السماوي والحب الكبير
    في الزمن المكندك والحزن الاضافي
    جينا نقول نفرق نجي نلقاه مافي
    لا سافر مشرق لافتران وغافي
    وين عمي البطرق جواي القوافي
    يا كرسيه وسريرو هل ما زلت دافي

    يا مرتبتو امكن في مكتبتو
    قاعد يقرا وزهنو صافي
    يا تلك الترامس وينو الصوتو هامس
    كالمترار يساسق يمشي كما الحفيف
    كم في الذهن عالق ثرثرة
    المعالق والشاي اللطيف
    تصطف الكبابي اجمل من صبايا
    بينات الروابي والضل الوريف
    احمر زاهي باهي يلفت انتباهي
    هل سكر زيادة ام سكر خفيف
    ينده للبنية يديها الحلاوة
    والخاطر يطيب
    يدخل جنو منو محبوب الشقاوة
    يستنى النصيب
    الدفو والنداوة السنا والعبير
    كالغزلان هناك في الوادي الخصيب
    حيث الموية عذبة والغصن الرطيب
    كم تحت المخدة اكتر من مودة
    للجنا والغريب
    عش وعشب اخضر جدول من حليب
    يابا ابوي يا يابا
    الشمس البتطلع بلت منو ريقا
    والنجمة البتسطع فيه تشوف بريقا
    الندى في حركتو يطفيها الحريقة
    ننهل من بركتو زي شيخ الطريقة
    شاييهو وطرقتو والايدي الصديقة
    يلا نسد فرقتو حب الناس درقتو
    يا موت لو تركتو مننا قد سرقتو
    كنا نقول ده وقتو لكنك حقيقة
    النفاجو فاتح ما بين دين ودين
    نفحة محمدية دفئاً كالضريح
    ميضنة كم تلالي جيداً في اليالي
    مجداً في الاعالي
    مريم والمسيح
    قلباً نبضو واصل ما بين جيل جيل
    ما بين كان وحاصل او ما قد يكون
    ما بتشوف فواصل الا الذكريات
    وآلام المفاصل بعضاً من شجون
    يابا مع السلامة يا سكة سلامة
    في الحزن المطير

    drunken drunken drunken drunken drunken

    مكتبة عقــــــــــد الجلاد
    افتراضي يا بحر قم حرك

    أحتاجُ دوزنة وتراً جديداً
    لا ُيضيف إلى النشيدِ سوا النشـــــاز
    لغةً تُفتشُ عن أراضٍ خِصبةٍ
    شمساً تُغير طعم فاكهةِ الشتاء
    أحتاجُ مِدرسةً من الشعراءِ و الجوعى
    لنُعلن سُخطنا أو ننتهي منا باغنيةٍ تذاع
    بالشهداء
    بالفقراء
    بطفلنا الآتي
    بكوم اللاجِئين
    بالداعين في الصلوات
    هتـــــتفنا ما سمعتم
    ثم هاجرنا انصرفتم

    يا بحراً تجاوز في سكونِهِ كل حد
    يا بحر قم..حرِك تحرك
    أو فعُد نحو ابتلائك فالنهايات القديمة لا تُحد
    ألفُظ جحيمك
    أو فغادر ساحليك إلى الأبد
    تابعوا من شئتمُ أو طاوعوا من خفتمُ
    فالزاحفون إلى الفجيعة أنتمُ
    فقط إفهمـــــــــــــوا
    أن لا وثيقة أو وفاق
    ولا حقيقة أو نفاق
    تخفي عن الأطفال عورة من دفنتم مِن رِجال
    يا بحر قم..حرِك تحرك
    أو فعُد نحو ابتلائك فالنهايات القديمة لاتــحــــــد


    مكتبة عقــــــــــد الجلاد
    افتراضي يا محبوبي

    يامحبوبي ..
    هـاك منّى مكتوبي .
    صـدّاح الغُنـا المكتوم
    ومدّاح الجمال والنور
    كلمة حُـب فى قلب حبيبي
    وقليب حبيبي من توبي
    تشـوِّش جـوّه قلب النيل
    مع اللهفة العلى ولدى
    يا معشوقي ..
    ليك من شوقى كل الشوق
    فيا الخرطوم إذا نامت عليك عيون
    تشوف الضلمة في الضحى
    والنَهار مخنوق
    ولو غنيتِ والغُـنا للسلام مخنوق
    أعرفي إنك الزمن اللى جاي شـروق
    وأعرفي إنك .. الزمن الحبيب وحنون
    فيا الخرطوم ..
    عيون الحق ما بتنوم
    عيون الحق ما بتنوم
    أعرفي إنك ..
    الزمن اللى جاي شـروق
    وأعرفي إنك ..
    الزمن الحبيب وحنون

    Laughing Laughing Laughing Laughing Laughing Laughing
    مكتبة عقــــــــــد الجلاد
    افتراضي كل ما نقول..... ك محمد الفاضلابي

    كل مانقول خلصنا الليل
    يطلع باكر ليلا أطول
    كل مانقول خلصنا الشيل
    تطلع شيلة باكر أتقل
    بس نتحمل ونصبر ونأمل
    إنو الجاي صباحا أجمل
    لكن كيف
    طعم الريد جوانا اتحول
    مرة تشيلك فوق لفوق
    مرات تملاك فاقة وضيق
    تلقى الدنيا تلم في هموما
    تفتح جرحك وانت تضوق
    أنسى وأقول ما منها مني
    دايما بحلم وأنا ممحوق
    قنا كتير الشارع بقصر
    لمن نصبر نحن نكون
    لم الزول في يوم يتعثر
    بكرة القاسى الشافة يقول
    بكرة بنمشي الخطوة الأولى
    التانية التالتة
    الرابعة الخامسة وفجأة
    نلقى الشارع قسى واتحجر
    نلقى الحلم الفينا اتكسر
    ويبقى الزول
    مسجو ن مجنون مهضوم بالهم
    مسكون ميئوس معفوص جواو
    منحوس محبوس ويكوس
    أسي دا شارع ماشي لي وين
    لينا عليهو سنين وسنين
    نمشي كأننا ما ماشين
    نفتح سكة نسد اتنين

    Laughing Laughing Laughing Laughing Laughing Laughing
    مكتبة عقــــــــــد الجلاد
    افتراضي الطمبارة والغناي.... ك القدال

    نحن اهل الفرحه جينا

    لاالمدامع وقفتنا ولاالحكايات الحزينه

    لما درب الرايحه جابنا جابنا في هادى المدينه

    ياولدى الدروب شقاقا بحر التيه

    ليك درب ولا دربين مساك الدروب ضهاب

    ليك قلب ولا بالين وسواى القلوب كضاب

    ليك ضهر ولاسرجين ركاب السروج وقاع

    شق ياولدى بحر التيه بتتدردر وتتودر

    ولامن يوم علي تايتنا ديك ترسي

    نعزك بالقبيل داخرنو ليك

    الشوق بحر ياولدى بحراً تيه

    قت ليك العليك ادرابو لا تنغش ولا ترضابو لاتنغش

    في الزمن الزمين والكي يسوهو خلاف عشان الني

    عليك الدور وتصريف الليالي بدور تشيل ما شلنا من الهم

    ولا من دمعه ترمي الدمعه فوق دربك

    روح يابا .. وابق قفاك لاتعاين ولاتعاين علي موطاك

    ولا تندم علي خطوا تملي مشيتو لى قدام

    وابقي العاتي زى سنطتنا زى صبرا نلوك فوق مرو زى الزاد

    لاشيتاً نزل في الجوف ولابرجع ولا بنزاد

    واركز للبجيبها الريح تقيف انت ويشيلها الريح

    وابقي العاتي والدرب الوراك مسدود و شيل شيلتك

    بقيت للنص لاحلما بجيب البر ولا حدود

    وانبليتا اختا الرمله ما تقع البكان الهش

    هي الممطوره مابتبالي من الرش

    النعمه بتعرف عاطيها والجمره بتحرق واطيها

    بالكيله عطانا و ما لقينا فوق جمر خطانا وما لقينا

    يوم الوعد... ياحليوه فيك الدنيا ما كانت شروق

    الا الارض متكشفه متبلمه نعمنو من خير الخريف

    لافحالها شال منطرحه خضرا وفرحه دوب تتشابي لي عين الشمس

    من بت حليوه النفس بيضا كذا الحليب

    والروح مشحتفه في البلود الفيها ريحتك

    للبعود من فزعة الغربة البساسق فوكا

    موراجع ولا بالحيل قريب

    الروح مشحتفه في الحبيب القلب بكر الدنيا ما شافت جديدو

    ولا الحزن دقالو باب

    وشفتي كيف يوم الوعد كيفنو مترامي الغمام

    والقمري زغرد للبلوم النسمه هبت مرتين

    يا حليوه يوم دقيت بارضك فاس خصيب والتانيه في

    يوم الوعد والايد تسالم في الايدين

    والام تقالد فوق جناها تشمو زين

    وحليوه صاحيه حليوة ضاحيه كذا النسيم

    والدنيا غيم وحليوة جد جد ياولد قول للبلد

    قايل غناوي الحزن ليش شايل مساديرك مجامر دمع ليش

    ليش يا بلد والناس تريد والدنيا كل ما نريد تزيد

    تملا الايدين تفرح تهش

    لو صحيح غنينا بالدمعه الحميمه ولو دموع الفرحه ما لاقت غنانا

    بكره نرجع تاني للكلمه الرحيمه شان هنانا شان منانا

    شان عيون اطفالنا ما تضوق الهزيمه

    cheers cheers cheers cheers cheers

    مسدار ابو السُرة... ك القدال


    أُمّاتِي القِبيلْ بي حِنّهنْ لجّـنّي كَرفة وقَلدة
    كيف شوق اللّبن رَجّني
    حُزناً جاني في مَيْع الصِّبا يلَجِّني
    أطلعْ مِنِّي يا جلدي المِنمِّل جِنيِّ
    واطلعْ مِنِّي يا حُزناً بقى مكَجِّني
    خَلّني أبدا مُسداري
    وأودي قفايا لي داراً بِقَتْ مِي دَاري
    جِيتَا ..

    وجِلْدِي بينو وبين عضايا الشّحَمَة إلا النّار بِقَتْ قِدّامي
    جِلْدِي اللّيلة بينو وبين عَضَايَا المافي
    إلاّ تراني شَوّالْ الكِبِسْ نِفّيخْ جَراريب الوَرَمْ هَدّامِي
    في جِلدي الورم قُولَنْلي واللاّ صَحِي الورم عَضّامِي
    سفريتك مِي في النيّة ماها الكانت محريّة

    خابراكْ عِرِّيفْ ذم العُربانْ والأيام الوردية

    مالكْ تَرْيَانْ ومندِّي كاسي الكِتّان والهندي

    قولَكْ كِكّيفْ ترجى البيشان واللاّ الغُربة البي الزِّنْدي

    برقاً عِبْدِلِّي الوَزْنِ يا طاشْ يا جاب المُزْنِ

    فَرِّقْ يا الضّيفْ فِعْل الغَضْبان أم فِرْفيرات الحُزْنِ

    وشِنْ القَعدة يا أبو السُّرة

    شِنْ القَعدة في ضُل العمارات أم كمرةً برّة

    ضُقْنا الحَنْضَل اليانكي وبَلَعْنا المُرّة

    كِمْلَتْ كوتة التُّمبَاك صَقَعْنا الجِّـرّة

    ووكت إتقفّلَتْ شِقّيشْ قَبَلْ بي المرّة

    نَرْمي أمُرنا في بلد المعاني الحُـرّة

    الشّمْ خَوّخَتْ بَرَدَنْ ليالي الحّـرّة

    والبرّاق بَرَقْ مِنْ مِنّا جاب القِرّة

    شوف عيني الصِّقير بجناحو كَفَتْ الفِرّة

    تلقاها ام خدود الليلة مَرَقَتْ بَرّة

    مَرَقَتْ بَرّة تغلي مديدة الحِلْبة التَسَمِّن رِدْفَها

    السَمِنْ المبَسْتَرْ يانْكي

    والويقود بعيرات الدُّخان في العين

    وفي الفَشْفَاشْ يسوِّي عمايلو

    شِنْ فايدة مديدة الحلبة والويقود بشيلو اليانكي ؟؟

    يا ابو السُّرة

    قامت من دخاخين العمى تلمِّع وشِيها

    كان اليانكي مستنيها في مراية السَجَم في اللّيل

    لقيتها مِتِلْ فريخ الطّير

    مَرَقْ ود عينها من ود عينها

    رجّافة المزمّلْ حُمّى جَفَلَتْ مِنّو

    وَقَعَتْ عندي صدرها بغلي

    يا ابوالسُّرة

    شُفْتَ اليانكي في ود عينها

    سُقْتَها للبحر

    يمكن يغسِّل عينها من اليانكي

    فُتْنَا الحَجْرة بالكَتّة وغطسنا مسافة

    تبقى قَدُر مسالك الرّيدة

    وما لاقانا من يغبانا في البحر الفَدَرْ تحتاني

    ناس عارفاها ناس عارفاكا ناس عارفاني

    نادينا القعوي والبُلْطي

    قرقور السّمَك ودّانا لي دابي الخُشَشْ

    نادينا عُمّال الطّمِي عُمّال الطّمِي الصّارقيلا

    والقَرْمُوط وود الموية وفُتْنَا عليها كانت نايمة

    عَجّال البحر حارساها

    كانت نايمة بين حجرين وضُل ساسوية

    وعُمّال الطّمِي الصّحونا لّمُو حصى البحر

    قسموهو ياتْ من كان سبع جمراتْ

    دابي الخُشّة قال :

    أدُّوها في الجمرات تلات سبعاتْ

    قُلْنا :

    أدُّوها في الجمرات تلات سبعاتْ

    مَسَكْنَا دَرِبْنَا

    وعُمّال الطّمِي الصّحوها

    خابرين الدّروبْ

    مَرَقوبنا في مُشْرَعْ مسارب الضّيْ

    لقينا الدُّنيا تترجّانَا قُوقَا القِمْري

    خَوّى صِقيرْ وعَوّى حِديْ

    وعُمّال الطّمِي الصّحونَا

    لَمُّو على البعرفو الصّيْ

    حَصَى القيزان دوابي الدّارْقَة

    والسِّحْليّة والنّاسْ التِّحِتْ

    النّاسْ التِّحِتْ خابرين عَمايْل اليَانْكي

    مَرّة معونة لي اللّغّاف ومَرّة دَوانْكِي

    شِنْ معناهو جيبها إن كان ملوهو بوانكي

    وصوتها مكتِّمو القَرَبين سيوف وسَوانْكِي

    قولَنْ لي الأَخْلو ديارو دمّكْ فَرْهَدْ في نارو

    غَوّرْ في الأرض طارو صَقْرين أولاد الأرض ما طارو

    لحمي غَطّى بِنْ عَمِّي شو صار حالو يا إمِّي

    منديل العِرْضْ في بيت الدِّينْ

    دمِّي ما يخلِّي دمِّي

    إنّا من دير ياسينْ صِرْنا في جِزْر التّين

    عَمْ نسقى بعضْ

    حُبّ الزّيتونْ بدّو يرجع للطينْ

    صابرا تحت الدورية



    صابرا فوق الدورية

    يا حال الضِّدْ

    لحم الطِّفلين نابت غُصنْ الحريّة

    جِذْري مو في شاتيلا ما قال حالي يا ويلا

    حِنّا في الأرضْ أرضِ فلسطين

    يا إمِّي هيلا هيلا يا إمِّي هيلا هيلا

    يا أُمِّى هيلا هيلا

    هيلا

    هيلا وهيلا يا ابو السُّرة كُجْ العين

    تخبر الشّينة من الزّينْ تَفُرْز الطّاري من السّاري

    يا ابو السُّرة كُجْ العينْ ومدُّو صباعك السّبابي

    قول لي الغَافي يا زول هويْ وهوي يا غافي يا زول هويْ
    أرخي الغُردة للعَنّافي شِدْ القمري بالحوبابي

    في مسدارنا شِلْنا نهارنا

    في إيدنا من ساسو البحر عقدينْ مَسَكْنا دَرِبْنا

    وعُمّال الطّمي الصّحونا

    خابرين الدِّروب مرقوبنا في مُشْرع مَسَارب الضّيْ

    لقينا الدُّنيا تترجّانا قوقا القِمري

    خَوّى صقيْر وعَوّى حِدَيْ وكُنّا جماعة

    دابّات الأرض والسّايمة عَوّامة البحر والطّيرْ

    وحتى الغيمة قصّاصة الأَتَرْ فوق راسنا شايفة الدّربْ

    ضِنيب اليَانْكي

    قال القمري لي الضُّليلة :

    خَلِّكْ صاحية زوغ اليانكي لا يودِّرنا

    قال الدّابي :

    إن يغباها ما بيغباني ولمّا الشّمسْ مودِّعة غاربة

    وَصّتْ جملة الصّقّار عيونهنْ كَارْبة :

    أبقو أَلِفْ بَفوت لي المِتْلَكُنْ ناهضينْ

    وفوق ديناب عريباً غادي قال السِّحْلي لا تغشوهو

    ديل عُربانْ توابع اليانكي وخَلُّوها العريب الغايبة

    السّراقْ طبيقو معاهو تيجاناً عروشها الخروعْ ..

    الهَشْ .. العَويشْ الناّر تَعَلِّبْ فوق عُقَال العَرْشْ

    ولا خَسّانا بي هادي العروش الهـُرْبة

    يا ابو السُّرة .. لا عَقّالْ مسكنا دربنا

    وعمال الطمي الصحوها

    خابرين الدروب مرقوبنا من وادي الضلمة الكان

    وعقب لمينا في باقي الجمع قاصين دريب اليانكي

    سنور الغيب في الكونغو وصبراً من جنوب أمريكا

    ومن كلهاري ديباً ضاري والتمساح وليد أمازون

    ونمراً في النمور كمبودي وام رَخَمْ الله مكسيكية

    ولمّ لميمنا

    لمّ لميمنا والشّمش البتوقد فوقنا

    شدّ شديدنا لا التِّمثال مَشيّلْ روقنا

    عَالَم حُرْ يدوعِلْ فوقنا لي يوم سوقنا

    نبصُق فيهو .. في عينيهو جَرْ واسوقنا

    يا شمسي طِلِّي .. طِلِّي شاوري عَ بيتي دِليِّ

    كَيّال الكيل .. ختياري ماتْ ظِلِّي عَمْ يحرس ظِلِّي

    عَادِلْ عَ خَييّ ميلي خَييّ ما يحمل شَيلي

    ما خَفّ الشّيلْ

    تاني المرّات ناطِرْ رصّاصِي سيلي

    عيني في الفيل ما ظِلّه كِلْنا ندريه ما نضِلّه

    يا ويل الويلْ

    نرمي الجمرات عَدِّ المستشْهِدْ كِلّه

    Arrow Arrow Arrow Arrow Arrow Arrow Arrow Arrow
    تبتبا تبتبا .......ك محجوب شريف
    تبتبا تبتبا تبتبا تبتب
    باكر تعرف تقرا وتكتب وياما ترتب
    نحنا بنحلم وكم نتمنى هي تحقق كل ما تحب
    تبني حياتا الند بالند اي مكانة وخانة تسد
    هدهدا هدهد كل الورد ينوم ويفرهد
    زي عصفورة تطير وترك تحبا وتمسك وتاني تفك
    سيبا تفكفك سيبا تلكلك عايزة تنطط
    بكرة حترسم وياما تخطط بكرة حا يبنوا مدائن ضو
    ما بيعكر صفو الجو صفارة حرب
    تشطب من قاموس الدنيا الضرب الشك الخوف
    ينعموا كم بالشم والشوف واغاني الحب
    افتح بابك آمن تب
    زي ما النهر بيلقى مصب اي حمامة بتلقى الحب
    تلقى الورده الندى في الكم تلقى حداها جناها الام
    يرضع صافي حليب الحب نقدل نحنا الجد والعم
    تملا عيونا كهارب سد
    باباً جاب الهم والزم والصد ينسد
    نفرح لما ندمع جد مد البصر الامل يمتد
    العمل يشتد البنا ينتم الغنا يمتد
    هدهدا هدهد
    اكتبي اكتبي الف المد حمام وسلام وسعادة بجد
    اكتبي اكتبي ياء المد سرير وعصير وعبير ينشم
    اكتبي اكتبي واو المد
    حقول وعقول تقرا المجهول كتاب الغد
    اكتبي علم وسلم لا حد يئن لاتسمع بم
    لا ينزف دم لا يعجز رد لا يعجز طب
    لا دمعه في خد
    تبتب


    لخرطوم باليل...ك التجاني حاج موسى
    يا جمال النيل
    والخرطوم باليل
    ياراضعة من نيلين
    خلقوك من ازمان
    يا قبلة الزائرين
    يادرة السودان
    ضمك شذى الياسمين
    والورد والريحان
    عشاق سمر باليل
    سحرهم جمال النيل
    اجمل ليالي هنا
    لما القمر يظهر
    والونسة تبقي غنا
    والغنوة تتمثل
    وتفوت علي امدرمان
    وهناك تكون اجمل
    لوبس تطول ياليل
    وتزيد جمال النيل

    Like a Star @ heaven Like a Star @ heaven Like a Star @ heaven Like a Star @ heaven Like a Star @ heaven Like a Star @ heaven
    محمد ود الرضي

    بسم الله ابتديت متل البرق لاحت
    فى الشين والفسل بقينا نتباحت
    طال الكان قصير والعالى اتاحت
    والصولات حليلن ملكتن راحت

    مالك يا زمان شبعتنا هولا
    لبست الناس تيابا حاشا مى هولا
    يات من كان يجي دماعو مبهوله
    ولله راحت بقت البواجهولا

    مالك يا زمان شبعتنا وح ووحيح
    صح الدون كضب
    كضب العوالى صحيح
    يات من كان انا جعلتو لى صليح
    عقرب حزّه لى ويا نفسي زين ومليح

    فى احوال الزمن صار الفكر حاير
    والياباك خلو عندو شن داير
    فوق اهل الفكر كاس الوحيح داير
    نفد سوق النفاق سوق السمح باير

    تب الشباب ان بقا كواس
    تب الصبى ان قطع المروة خلاص
    تب الشايب ان بقى وسواس
    تب الاقربين الاتفاتتو الانفاس

    Idea Idea Idea Idea Idea Idea

    يا ليلى ليلك جنّ

    يا ليلي ليلك جن
    معشوقك اوه وأنّ
    أم مرحى فوق جبلنا
    أصلو الاكسير معدنا
    الشرب بالكوب والدنه
    وكل الغشاهو تهنا
    وبعد الارض سهلنا
    سقنا وتيرابا شتلنا
    تربالنا سامر وغنا
    صاح بالجلاله ورنا
    مطر الفيوض ما ونا
    نبعن سيوف الجنة
    توريقنا دور ودنا
    وعلج رقابو تحنى
    خدموهو اللبسو شرايتو
    وكل زول فرش سرايتو
    عدد السبعين مضرايتو
    صوبروهو غزو رايتو
    I love you I love you I love you I love you I love you

      الوقت/التاريخ الآن هو الجمعة مارس 29, 2024 7:58 am